الحمد لله وحده، والصلاه والسلام على من لانبی بعده.
حرمتلی اوقوغوچیلر:
السلام علیکم ورحمه الله وبرکاته.
امامنسائیرحمه الله جنابلری نینگ شخصیت لریغه عائد سوزلرنی اعتبارینگیزگه حواله قیلامیز:
امام نسائی رحمه الله مسلمانلرننگ یوقاری رتبه لیک عالمی وحدیث فنی ده یازیلگن”سنن”نام لی اثرنی صاحبی دورلر،”کتب سته”ویا”صحاح سته”صاحب لرینی بری بولیب مشهوروبیوک محدثین لردن دورلر،وامام نسائی رحمه الله ننگ تولیق اسمی الإمام الحافظ الثبت شیخ الإسلام ناقد الحدیث أبو عبد الرحمن أحمد بن شعیب بن علی بن سنان بن بحر الخراسانی النسائی بولیب وایکی یوزاون بیشینچی هجری یلی نسأده توغولگنلر،ونسائی خراسان اولکه سیده “نسأ”نام لیک برشهرگه نسبت بریلیب نسائی دییلگن،امام نسائی رحمه الله یاش لیک دن طلب علم گه چیقیب اولااوزمنطقه ده گی عالم لردن علم اورگانیب سونگره طلب علم اوچون عراق،حجاز،مصر،شام ،وبشقه برقنچه دیارلرگه سفرقیلیب باریب بیوک عالم لرننگ مجلسی ده اولتریب علم اورگاندیلر،کیین مصرنی وطن توتیب وعلم ساحه لریده شهرت کمای قیلدیلر.
امام نسائی رحمه الله بوقیلگن سفرلری جریانیده مذکورشهرلرده گی کوب بیوک علماءلردن کسب فیض قیلدیلرکه اولرنی بعض لری قوییده گی لردن عبارت، احمد بن نصر نیشابوری ، ابی شعیب موسی، قتیبه بن سعیدبغلانی ، اسحاق بن ابراهیم بن حبیب بن شهید، اسحاق بن شاهین، اسحاق بن منصور، اسحاق بن موسی انصاری، ابراهیم بن سعید جوهری، ابراهیم بن یعقوب جوزجانی، احمد بن بکار بن ابی میمونه، عیسی بن حماد، عیسی بن رغنه، حسن بن محمد زعفرانی، اسحاق بن راهویه، هشام بن عمار، محمد بن نصر المروزی، اباکریب، سوید بن نصرالشاه، سلیمان بن اشعث([۱])، حارث بن مسکینی، محمود بن غیلان، محمد بن بشار، علی ابن حجر، علی بن خشرم، مجاهد بن موسی، واحمد بن عبده رحمهم الله.
امام نسائی رحمه الله حقیقتایوقاری رتبه لیک حدیث عالمی،حافظی،ودین شخصیت لرینی بری بولیب علم ننگ عالی درجه سیده یتیشکن برذات ایدیلر،قیین وچیگیلگن مسأله لرنی آسان لیک بیلن حل قیلیب اوزعصرینی اهل علم لری ننگ سرداری وپیشواءسی ایدی،وهمده جرح وتعدیل ده هم امام ایدی،چنانچه امام دارقطنی رحمه الله ایتادیلرکه هرزمانده کیمی نی که حدیث وجرح وتعدیل ده امام ایکن دیلسه امام نسائی مرتبه ده همه سیدن مقدم وفوق دور.وامام نسائی رحمه الله نه فقط حدیث عالمی بلکه عین پیتده فقیه هم ایدیلر،واختلافی مسأله لرده امام شافعی رحمه الله دن تقلیدقیلورایردیلر.
وکوب کیشی لرامام نسائی رحمه الله دن کسب فیض قیلیب حدیث روایت قیلیشکن،جمله دن ابوبکر احمد بن محمد ابن سنی نام بیلن معروف دور، حسن ابن رشیق عسکری، و احمد بن عمیر بن جوصا، محمد بن جعفر بن تلاس، ابوالقاسم بن ابی العقب، ابوالمیمون بن راشد، ابوالحسن بن خذلم، ابوبشر الدولابی، ابوعلی حسین بن علی حافظ نیاموزی الطبرانی، ابوسعید اعرابی، ابوجعفر طحاوی، ابوعلی حسین بن محمد نیشابوری، حمزه الکنانی، حسن بن خضر السیوطی، ابوالقاسم الطبرانی، محمد بن معاویه بن احمد اندلسی، محمد بن عبدالله، محمد بن هارون بن شعیب، ابراهیم بن محمد بن صالح بن سنان، ابوبکر احمد بن اسحاق السنی الحافظ لردورلر.
وامام نسائی رحمه الله عابدوزاهد،ومتقی کیشی بولیب ورسول الله صلی الله علیه وسلم ننگ سنت لرینی محکم توتورایردیلر،درس وتدریس وتألیف قیلیش یانیده کیچه وکندوزده کوب نمازاوقورایردیلر،وصوم داودی گه موافق برکون ییب وبیرکون روزه توتورایردیلر،وهرکونی برخورس تناول قیلیب نهایت چرایلی یوزبولگن کیشی ایدیلر، قوی العارض،قوی الجسم،قوی العقل، مستقیم الحجه، وواضح البرهان،بولگن برذات ایدی لر.وشوکبی امام نسائی رحمه الله مروءت وشهامت إیگه سی ایدیلر.
امام نسائی رحمه الله تورلی موضوع لرده تقریبا اون بیش کتاب تألیف قیلگن لرکه کوپراغی حدیث حقیده بولیب وإینگ مشهوربولگن کتابی منه شو”سنن”کتابی دور،امام نسائی رحمه الله”سنن”کتابی نی فقه باب لری ترتیبی ده تصنیف قیلدیلر،وعلماءحدیث تمانیدن ملاحظه بیلدریلگن حدیث لرنی ویاروایتی ننگ ترک قیلیش لیگی حقیده اجماع قیلیشگن راوی لردن امام نسائی اوزکتابی ده یازمای روایت قیلمگن،وامام نسائی رحمه الله ننگ بو”سنن”کتابی ده صحیح،حسن،وضعیف حدیث لرهم روایت قیلینگن دور،وامام نسائی رحمه الله اوشبوکتابی گه(السنن الکبری) دیب نام قویدی،وامام نسائی کتابی نی تألیف قیلیب بولگنیدن کیین رمله شهری ننگ امیری گه تقدیم قیلدیلر،رمله أمیری امام نسائی گه،آیابوکتابینگیزده بارحدیث لرننگ برچه سی صحیح دورمی دیب سورادی،امام نسائی رحمه الله امیرننگ جوابی گه بوکتابیم ده صحیح وغیرصحیح،وشوکبی حسن گه یقین حدیث لرهم باردوردیدیلر،کیین رمله امیری امام نسائی رحمه الله گه:ایسه صحیح حدیث لرینی آیریب بیزگه یازیب بیرینگ دیدیلر،کیین امام نسائی رحمه الله”سنن کبری”دن صحیح حدیث لرینی خلاصه قیلیب آیریب آلیب وایکینچی کتابی گه(المجتبی من السنن) اسم قویدی لر،ومحدث لرنسائی ننگ روایتی گه اعتمادقیلیشادیلر،و”سنن”نسائی نی “سنن”کتاب لرقطاریده ضعیف حدیث لری إینگ آزدور،و”سنن نسائی”سنن أبوداودننگ مقام ومنزلتی ده یااونگه یقین برکتاب دور.
امام نسائی رحمه الله اخلاص،صداقت،امانت ،وامامت گه مشهوربولگن عالم لرجمله سیدن سنله دورلر،اوزلری ننگ ویازگن”سنن” کتاب لرینی بیوک مقام گه فایزایکن لیگی حقیده اهل علم تمانیدن گواه لیک هم بیریلگن،چنانچه حاکم رحمه الله ایتورلرکه حدیث فقهی توغری سیده امام نسائی ننگ سوزی کوب دور،وکیمی که اوننگ یازگن”سنن”گه نظرتشلاسه اونی قیلگن یخشی سوزلریدن حیران قالور.
وامام ابن الاثیراوز”جامع الاصول”کتابیده امام نسائی ننگ عابدوزاهد،ومتقی بولیب ،شافعی المذهب وشافعی مذهب ده مناسک کتاب هم یازگن دوردییه دی.
حافظ ابن کثیررحمه الله اوز”البدایه والنهایه”تاریخی ده امام نسائی ننگ اوزعصرده گی برچه علماءلردن فضیلت بریب امام وسنن صاحبی ایدی دیب یازادور.
امام ذهبی رحمه الله امام نسائی ننگ مختاب حتی امام مسلم دن هم کوره حافظ راق ایدی دیگن.
احمدبن محمدبن سلامه الطحاوی امام نسائی رحمه الله ننگ مسلمانلرامام لریدن برامام ایدی دییه دی.
وحافظ ابوعبدالرحمن نیشاپوری رحمه الله امام نسائی حدیث ده بلاشک امام ایدی دیگن.
امام دارقطنی رحمه الله ایتادیلرکه هرزمانده کیمی نی که حدیث وجرح وتعدیل ده امام ایکن دیلسه امام نسائی مرتبه ده همه سیدن مقدم وفوق دور.
ابوعبدالله بن منده رحمه الله ایتورلرکه صحیح حدیث نی ضعیف وعلتی بارحدیث دن اجراتکنلرتورت کیشی دورلر،امام بخاری،امام مسلم،أبوداود،وامام نسائی رحمهم الله.
امام نسائی رحمه الله ننگ وفاتی نی زمان ومکانی ده اختلاف بار،اهل علم وتاریخ یازوچی لردن برخیل لری امام نسائی ننگ وفاتی نی جاینی رمله وفلسطین دیشیب وینه برخیل لری مکه مکرمه نی قراربریشادور،چونکه امام نسائی رحمه الله دمشق گه کیلگنده حضرت معاویه رضی الله عنه ننگ فضیلتی توغری سیده سورالدی جنابلری حضرت علی رضی الله عنه دن یوقاری فضیلت بیان قیلمادیلر،شوباعث ضرب وشتم گه دوچ بولیب علالت لیک حالده مکه مکرمه یتوب کیلیب نیچی مدت کسل لیک تارت گنلریدن کیین وفات قیلدیلر،وشومکه مکرده دفن بولیندی لر،شوننگ اوچون بعض اهل علم لرشهیدلیک درجه سینی تاپکنلردیشادور،علی کا حال حضرت امام نسائی رحمه الله بوتون عمرلرینی دین خدمتی ورسول الله صلی الله علیه وسلم ننگ سنت لرینی خدمتی ده اوتکزیب اوچ یوزاوچینچی هجری یلی نی صفر آیی ده وفات قیلدیلر(إنالله وإناإلیه راجعون) اوشه پیتده یاش لری سکسان سککزیاسکسان ده ایدی.روح لری شادوجای لری جنت
والسلام علیکم ورحمه الله وبرکاته.
تیارلاوچی(أبویحیی رستاقی)